FİFA-dan tarixi qərar: Azərbaycan dünya çempionatına ev sahibliyi edəcək

Beynəlxalq Futbol Federasiyası (FİFA) növbəti mötəbər turnirin keçiriləcəyi ölkənin adını açıqlayıb. Ali futbol qurumu yeniyetmələr arasında dünya birinciliyinin ev sahibliyini Azərbaycana həvalə edib.

Bizim.Media xəbər verir ki, bu barədə məlumat FİFA-nın rəsmi saytında yer alıb.
 

Məlumata görə, 15 yaşadək (U-15) futbolçulardan ibarət komandalar arasında Dünya Çempionatı cari ilin 22-31 oktyabr tarixlərində Azərbaycanda təşkil olunacaq.

Bu formatda keçiriləcək ilk turnirdə FİFA-ya üzv olan bütün assosiasiyaların yeniyetmə komandaları mübarizə aparacaqlar. Bildirilir ki, analoji turnirin davamı olaraq 2027-ci ildə keçiriləcək növbəti dünya çempionatında isə yalnız qızlardan ibarət yığma komandalar birincilik uğrunda yarışacaqlar.

Bizim.Media