Krım körpüsündə yanacaq daşınmasına icazə verildi: "Dronlar üçün yeni hədəflər"

Krımın işğalçı operativ qərargahının yaydığı məlumata görə, iyunun 23-dən etibarən Krım körpüsü vasitəsilə bir avtomobildə 200 litrə qədər yanacaq daşınmasına rəsmi icazə verilib.

Bizim.Media xəbər verir ki, bu qərar Ukrayna tərəfindən kəskin reaksiya ilə qarşılanıb. Ukrayna seqmentində sözügedən qərar istehza ilə şərh olunaraq, rusların bununla Ukraynaya məxsus PUA-lar (dronlar) üçün yeni və daha partlayıcı hədəflər yaratdığı bildirilib.

Qeyd edək ki, hazırda Krımın logistik izolyasiyası və Krım körpüsünün mövcud vəziyyəti ilə bağlı Ukrayna mediasında geniş müzakirələr aparılır.

Krım tatar xalqı Məclisinin sədri Refat Çubarov xüsusi bəyanatında yarımadanın logistik çıxılmaz vəziyyətini və bu cür qərarların doğuracağı hərbi riskləri şərh edib.

Bizim.Media