Ermənistanda Rusiyanı dəstəkləyən onlarla “YouTube” kanalı silinib

Ermənistanda Rusiyanı müsbət fonda təqdim edən onlarla “YouTube” kanalı silinib.

Bizim.Media xəbər verir ki, bunu “Məlumatlı Vətəndaşlar İttifaqı” qeyri-hökumət təşkilatının rəhbəri Daniel İoannisyan bildirib.
 

Onun sözlərinə görə, belə kanalların siyahısı amerikalı senatorlara təqdim edilib. Bundan sonra senatorlar “Alphabet” şirkətinin rəhbərliyinə müraciət edərək tədbir görülməsini istəyiblər.

İoannisyan qeyd edib ki, silinən kanallar arasında təkcə siyasi məzmun yayan resurslar olmayıb. Tarixi mövzulara həsr edilən kanallar, həmçinin Qərb fondlarını və müxalifəti tənqid edən səhifələr də bloklanıb.

QHT rəhbəri bildirib ki, söhbət Ermənistanda ictimai rəyə təsir edən və Rusiyaya simpatiya formalaşdıran informasiya resurslarından gedir.

Məsələ ölkədə söz azadlığı, xarici təsir və informasiya təhlükəsizliyi mövzularında müzakirələrə səbəb olub.

Bizim.Media