Vaşinqtondakı atışma zamanı zalda ən sakit qalan qonaq gündəm oldu - VİDEO

Vaşinqtonda ABŞ Prezidenti Donald Trampın iştirakı ilə keçirilən qəbulda baş verən atışma zamanı çəkilən yeni görüntü sosial şəbəkələrdə müzakirələrə səbəb olub.

Bizim.Media xəbər verir ki, kadrlarda zalda olan qonaqlardan birinin hadisə zamanı son dərəcə sakit davrandığı görünür.

Məlumata görə, atışma səslərindən sonra qonaqların bir qismi zalı tərk etməyə çalışıb, bəziləri isə təhlükəsizlik məqsədilə masaların altında gizlənib. Lakin görüntülərdə bir kişinin sakit şəkildə yerində oturduğu və hətta yeməyinə davam etdiyi diqqət çəkib.

Sosial şəbəkə istifadəçiləri həmin qonağı zarafatla “ilin ən sakit insanı” adlandırıblar.

Qeyd edək ki, insident Vaşinqtondakı “Washington Hilton” otelində, Ağ Ev Müxbirləri Assosiasiyasının qəbulunda baş verib. Hadisədən sonra Prezident Donald Tramp təhlükəsiz yerə aparılıb, şübhəli şəxs isə saxlanılıb.

Atışma ilə bağlı araşdırma davam etdirilir.


Bizim.Media