Makron Moskvaya səfər edəcək?

Ukraynadakı müharibə fonunda Fransa prezidenti Emmanuel Makron danışıqlar aparmaq üçün Rusiyaya səfər edə bilər. 

Bizim.Media xəbər verir ki, bu fikri Pentaqonun keçmiş müşaviri və istefada olan polkovnik Douglas Macgregor “Die Weltwoche” qəzetinə müsahibəsində səsləndirib.
 

“Makron Moskvaya gedib ruslarla danışıqlar aparmaq niyyətindədir, lakin mən onun nəyəsə nail ola biləcəyinə dair heç bir sübut görmürəm”, — deyə Makqreqor bildirib.

Ekspertin sözlərinə görə, Ukraynada döyüş meydanındakı vəziyyət Avropanı Rusiya ilə təmas yolları axtarmağa sövq edib. 

Makqreqorun fikrincə, Ukrayna məğlub dövlətə çevrilib. 

Hərbçi bildirib ki, ABŞ və Avropanın real vəziyyətə baxmaq istəməməsi fonunda bu, olduqca məyusedicidir. 

Bundan əvvəl Emmanuel Makron Rusiya ilə əlaqə yaratmaq niyyətində olduğunu bildirmişdi. 

Bizim.Media