İstanbulda oteldə 3 turist öldü - Bütün qonaqlar təxliyə edildi

İstanbulun Fatih rayonunda, təxminən zəhərləndikləri güman edilən türk-alman ailəsinin üç üzvü öldükdən sonra bir otel təxliyə edilib.

Bizim.Media xəbər verir ki, bu barədə yerli media yazıb.

Mənbə qeyd edir ki, ana və 3 və 6 yaşlı iki uşaq özlərini pis hiss etdikdən sonra dünyasını dəyişiblər. Hadisə ilə əlaqədar otelin bütün qonaqları digər mehmanxanalara köçürülüb.
 

Birgün qəzetinin məlumatına görə, şənbə günü otelin digər iki qonağı da zəhərlənmə əlamətləri ilə xəstəxanaya yerləşdirilib. Ailə Ortaköy rayonunda küçə satıcılarından yemək yedikdən sonra özlərini pis hiss etmişdi. Lakin istintaq zamanı məlum olub ki, otelin nömrələrindən biri yaxınlarda insektisidlərlə işlənib və bu, baş verənlərlə bağlı ola bilər.

Polis otelin bir əməkdaşını və iki dezinfeksiya mütəxəssisini həbs edib. Hazırda iş üzrə saxlanılanların sayı 7 nəfərə çatıb.

Bizim.Media