Özbək gənci aldadaraq Ukraynada döyüşməyə göndərdilər – Anası fəryad edir – VİDEO

Özbəkistan vətəndaşı Rozagül Boboyeva 23 yaşlı oğlu Akbar Qurbonovu geri qaytarmağa çalışır. Onun sözlərinə görə, oğlu aldadılaraq Rusiyanın tərkibində Ukraynada döyüşməyə göndərilib.

Bizim.Media xəbər verir ki, bu barədə görüntüləri “Настоящее Время” Telegram kanalı yayıb.

Mənbə qeyd edir ki, Akbar ailəsinə videomüraciət ünvanlaraq xahiş edib ki, onun sözlərini sosial şəbəkələrdə yaysınlar.

Xatırladaq ki, bu, təkcə Akbarın deyil, bir çoxlarının faciəsidir: Ukrayna müharibəsinə daha çox Rusiyada yaşayan qeyri-rus millətindən olan şəxsləri – Orta Asiyadan, Qafqazdan və Sibir bölgəsindən olanları aparırlar. Onlar ya maddi vədlərlə, ya da yalan və təzyiq yolu ilə cəbhəyə göndərilir.


Bizim.Media