“Yeganə dövlətik ki, cinayət işi olan Baş Qərargah rəisi orduya rəhbərlik edir" – ERMƏNİ DEPUTAT

Ermənistan yəqin ki, dünyada ilk və yeganə dövlətdir ki, Silahlı Qüvvələrin Baş Qərargah rəisi ağır cinayətdə ittiham olunur və artıq iki aydır ki, Silahlı Qüvvələrə təqsirləndirilən şəxs statusunda rəhbərlik edir.

Bizim.Media erməni KİV-nə istinadən xəbər verir ki, bu barədə Robert Köçəryanın “Ermənistan” fraksiyasından olan deputatı Artur Qazinyan öz Facebook səhifəsində yazıb.
 

MÖVZU İLƏ BAĞLI:

Erməni deputat Köçəryanın prezidentliyə namizədliyi HAQDA danışdı  

“Ermənistan Konstitusiyasının 14.1-ci maddəsinə əsasən, Ermənistan Respublikasının Silahlı Qüvvələri Ermənistan Respublikasının mühafizəsini, təhlükəsizliyini, ərazi bütövlüyünü və sərhədlərinin toxunulmazlığını təmin edir. Və belə biabırçı vəziyyətdə sabah biz Ermənistan ordusunun yaradılmasının 30 illiyini qeyd edirik. Necə deyərlər: sonadək kökündən dağıtmalıyıq”, – Artur Qazinyan qeyd edib. 

Xatırladaq ki, ötən il Ermənistan Silahlı Qüvvələrinin Baş Qərargah rəisi Artak Davtyana qarşı ittiham irəli sürülüb. O, ölkənin keçmiş müdafiə naziri David Tonoyan kimi yararsız aviasiya raketlərinin alınmasında ittiham olunur. Bununla belə, Davtyan barədə həbs qətimkan tədbiri hələ seçilməyib. 

Bizim.Media