Ərdoğanın yüksək tribunada dedikləri Krımı niyə qıcıqlandırır? - TƏFƏRRÜAT - VİDEO

Moskvanın ünvanına səslənən ifadələr Ankara üçün baha başa gələ bilər və tarixdə belə nümunələr çoxdur. 

Bizim.Media xəbər verir ki, bu fikirləri Krım parlamentinin xalq diplomatiyası və millətlərarası münasibətlər komitəsinin rəhbəri Yuri Qempel səsləndirib.

RİA Novosti agentliyi yazır ki, Türkiyə Prezidenti Rəcəb Tayyib Ərdoğan BMT Baş Assambleyasında Ukraynanın ilhaq edilən yarımadası da daxil olmaqla ərazi bütövlüyünün qorunmasının vacibliyini bildirib və Krım Tatarlarının hüquqlarının qorunması üçün daha çox səy göstərməyə çağırıb.
 

"Ərdoğan şəxsən Krıma gələ bilər və Krım Tatarları da daxil olmaqla bütün xalqların bərabər hüquqlarının təmin edildiyi çoxmillətli Krımın necə yaşadığını və inkişaf etdiyini görə bilər”, deyə Qempel qeyd edib.

Əlavə edib ki, Ankara "eyni dırmıq üzərində addımlayır".

Öz növbəsində, Sevastopoldan olan senator Yekaterina Altabayeva hesab edir ki, Ərdoğanın bəyanatı "orta əsrlərin nostaljiyasıdır".

"Krım tatarları da daxil olmaqla Krım sakinlərinin qərarı, şübhəsiz ki, qəti və son qərardır. Bugünkü siyasətçilər öz fikirlərini ifadə edə bilərlər, bu onların haqqıdır. Və biz konstitusiyamıza ciddi əməl edəcəyik. Rusiyanın ərazi bütövlüyünə cəhd yaxşı əlamət deyil”. Altabaeva belə deyib.

Daha əvvəl Türkiyə Xarici İşlər Nazirliyi Krımda keçirilən seçkilərin heç bir hüquqi qüvvəsinin olmadığını bildirmişdi. Kreml bunu qəbuledilməz adlandırıb.

Bizim.Media