Mərkəzi Nəbatat Bağından azyaşlını ilan sancması xəbərinə REAKSİYA

Mərkəzi Nəbatat Bağına təcili tibbi yardım avtomobili daxil olmayıb.

Bizim.Media xəbər verir ki, bu barədə informasiyanı bağın Mətbuat Xidməti yayıb.

Qeyd olunub ki, bağın ərazisinə təcili tibbi yardım avtomobili daxil olmayıb, yayılan xəbər araşdırılır.

Həmçinin bildirilib ki, bağın ərazisi mütəmadi olaraq dərmanlanır.

Xatırladaq ki, mediada bağın ərazisində yeddi yaşlı uşağı ilan sancdığı barədə məlumatlar dərc olunub.

TƏBİB-dən isə bildirilib ki, iyulun 28-də ilan sancması səbəbi ilə 2018-ci il təvəllüdlü azyaşlı oğlan uşağı Kliniki Tibbi Mərkəzin Toksikologiya şöbəsinə hospitalizasiya olunub:

“Dərhal zəruri tibbi xidmətlər göstərilən azyaşlıya ilan zəhəri əleyhinə zərdab tətbiq olunub. Hazırda azyaşlının müalicəsi Toksikologiya şöbəsində davam etdirilir, vəziyyəti ağır qiymətləndirilir".

Bizim.Media