Estoniyaya nüvə silahı daşıya bilən “F-35A” qırıcıları GÖNDƏRİLƏ BİLƏR

“Böyük Britaniya ABŞ-dan nüvə silahı daşımaq qabiliyyətinə malik F-35A tipli qırıcı təyyarələrdən ibarət eskadrilyalar alacaq. Estoniya da NATO müttəfiqlərinə məxsus bu cür təyyarələri qəbul etməyə hazırdır”.

Bizim.Media xəbər verir ki, bu barədə Estoniyanın müdafiə naziri Xanno Pevkur “Rus.Postimees” nəşrinə açıqlamasında bildirib.

"F-35 qırıcıları artıq Estoniyaya gətirilib və onlar yaxın vaxtlarda ölkəmizin hava məkanını yenidən qoruyacaqlar.

Əgər onların bir qismi hansı ölkədən gətirilməsindən asılı olmayaraq ikili təyinatlı nüvə silahı daşımaq imkanına malikdirsə, bu, Estoniyanın F-35-ləri qəbul etməyə dair mövqeyinə təsir etmir. Əlbəttə, biz müttəfiqlərimizin bu cür texnikalarını qəbul etməyə hazırıq", – deyə Pevkur vurğulayıb.

Bizim.Media