Millimizin Bakıdakı ilk tarixi oyunundan nadir görüntülər - VİDEO

9 aprel 1996-cı il Azərbaycan millisinin Bakıda ilk oyununu keçirdiyi gündür.

Bizim.Media xəbər verir ki, düz 29 il əvvəlin bu günü milli komandamız Tofiq Bəhramov adına Respublika stadionunda Türkiyə yığması ilə yoldaşlıq oyunu keçirib və 0:1 hesabı ilə uduzub.

O vaxt Azərbaycan millisinə Kazbek Tuayev, Türkiyə millisinə isə Fatih Terim rəhbərlik edirdi.

Türklər Bakıya ikinci heyətlə gəlmişdi. Bu da səbəbsiz deyildi. Türkiyə millisi yayda Avro-1996-nın final mərhələsində iştirak edəcəkdi və Terim vacib futbolçularını qoruyurdu.
 

Bakıda, eləcə də sonrakı bir neçə yoxlama matçında özünü yaxşı tərəfdən göstərən bəzi futbolçular isə final mərhələsinin yekun heyətinə düşmüşdülər.

Unudulmaz idman jurnalisti, mərhum Elnur Əşrəfoğlunun həmin matçdan hazırladığı reportajı təqdim edirik:


Bizim.Media