Bakıda məşhur bina SATILIR - 7,5 milyon...

Bakıda yeddi il əvvəl fəaliyyəti dayandırılan "Start" İdman və Əyləncə Kompleksinin binası yenidən satışa çıxarılıb.

Bizim.Media “iqtisadiyyat.az”a istinadən xəbər verir ki, paytaxtın Nizami rayonunda yerləşən kompleks binası 4,4 milyon dollara (və yaxud 7,5 milyon manata) təklif olunur.

4473,9 kvadrat metr sahəyə malik olan obyekt 36 sot torpaq sahəsinin daxilində inşa edilib. Kompleksin açıq və qapalı futbol meydançaları, hovuzu, uşaqlar üçün aquapark və hovuzu, boulinq, həndbol, basketbol və voleybol, məşq, fitnes, boks və rəqs zalları mövcuddur.

Xatırladaq ki, kompleksin binası daha əvvəl 2019-cu ildə 5,7 milyon manata satışa çıxarılmışdı. "Start" İdman və Əyləncə Kompleksi 2018-ci ilin yanvarından fəaliyyətini dayandırıb.

Bizim.Media