Lavrov Rusiyanın müharibəni dayandırmaqda ƏSAS ŞƏRTİNİ açıqladı

“Ukrayna ilə danışıqlar Rusiya Federasiyası üçün məqbul nəticə verdikdə müharibə bitəcək”.

Bizim.Media xəbər verir ki, bunu  Rusiyanın xarici işlər naziri Sergey Lavrov bildirib.

O qeyd edib ki, Rusiya və ABŞ Ukraynada müharibəyə son qoymaq üçün sülh danışıqlarına başlayarkən Kremli döyüşü dayandırmağa vadar edəcək əsas şərt budur.

O, ABŞ prezidenti Donald Trampın səylərini və Rusiya ilə danışıqları bərpa etmək qərarını yüksək qiymətləndirib.

"Rusiya prezidenti Vladimir Putin açıq şəkildə bəyan edib ki, Rusiya Ukrayna və Avropa ilə xoşməramlı ruhda sülhün əldə olunmasına kömək etmək istəyən istənilən nümayəndə ilə danışıqlara hazırdır. Lakin biz yalnız bu danışıqlar Rusiya Federasiyası üçün məqbul olan davamlı nəticə əldə etdikdə hərbi əməliyyatları dayandıracağıq. Təbii ki, reallıqları nəzərə almaq lazımdır", - Lavrov bildirib.

Bizim.Media