Dünya çempionatı: 3 güləşçimiz FİNALDA

Bu gün Albaniyanın paytaxtı Tiranada qeyri-olimpiya çəkiləri üzrə dünya çempionatına start verilib.

Bizim.Media xəbər verir ki, ilk gündə yunan-Roma güləşçiləri mübarizə aparır. Azərbaycan 4 çəki dərəcəsinin hər birində təmsil olunur.

Dünya çempionatı

Yunan-Roma güləşi

57 kq

Üçqat dünya çempionu Eldəniz Əzizli yarışa 1/8 finaldan qoşulub. Albaniyalı Bayram Sina ilə üz-üzə gələn milli üzvü tam üstünlükə (8:0) qalib gəlib. Əzizli 1/4 finalda da eyni uğuru təkrarlayıb. O, bu dəfə çinli Haifenq Zanqdan üstün olub - 9:0. Rövşənin rəqibi Denis Florin Mihai (Rumıniya) olacaq.

63 kq

İlk mərhələdən mübarizəyə başlayan Nihat Məmmədli İldar Hafizova (ABŞ) tam üstünlükə (10:0) qalib gələrək 1/8 finala vəsiqə qazanıb. Güləşçimiz daha sonra bolqarıstanı Muslim Amayevə "tuşla" qalib gəlib. O, 1/4 finalda Hleb Makaranka (AİN) 5:0 hesabı ilə qalib gəlib.

Nihat finala gedən yolda Karen Aslanyanla (Ermənistan) üz-üzə gələcək.

72 kq

Ülvi Qənizadənin 1/8 finalda Otar Abuladzeni (Gürcüstan) məğlub edib - 5:1. O, ardınca xorvatiyalı Dominik Etlingerə tam üstünlüklə (9:0) qalib gələrək yarımfinala yüksəlib. Ülvi çinli Ji Lenqlə qarşılaşacaq.

82 kq

Qurban Qurbanov təsnifat mərhələsində albaniyalı Kevin Kupini sınağa çəkib. O, rəqibinə tam üstünlüklə (9:0) qalib gələrək 1/8 finala yüksəlib. O, növbəti görüşündə isə macarıstanlı Erik Szilvassiyə 1:2 hesabı ilə uduzub.

Qeyd edək ki, mundiala oktyabrın 31-də yekun vurulacaq.

Rəşad Rafiqoğlu, Bizim.Media