Şoyqu: “Kiyev Putinin şərtlərinə heç bir reaksiya verməyib”

İyunda Rusiya prezidenti Vladimir Putin tərəfindən Ukraynadakı vəziyyətin nizamlanması şərtlərinə Kiyevdən heç bir reaksiya olmayıb. 

Bizim.Media xəbər verir ki, bunu Rusiya Təhlükəsizlik Şurasının katibi Sergey Şoyqu jurnalistlərə deyib.

"O vaxtdan demək olar ki, iki ay keçdi, heç bir reaksiya yoxdur", - Şoyqu deyib.

Onun sözlərinə görə, Ukrayna üzrə Cenevrə konfransı, "Zelenski formulası" və digər formatlardan danışmaq mənasızdır.

"Çünki əsas danışıqçı olmadan danışıqlar çox aydın görünmür", - Şoyqu əlavə edib.
 

İyun ayında Rusiya prezidenti Vladimir Putin Ukraynadakı münaqişənin həlli üçün Krımın, "DXR", "LXR", Xerson və Zaporojye vilayətlərinin statusunun Rusiyanın regionları kimi tanınmasını, bloklara qoşulmamaq və Ukraynanın nüvəsiz statusu, onun demilitarizasiyası və denazifikasiyası və anti-Rusiya sanksiyalarının ləğvini nəzərdə tutan yeni sülh təklifləri ilə çıxış edib.

Ukrayna tərəfi bu təşəbbüsü rədd edib. Putin həmçinin qeyd edib ki, Zelenskinin səlahiyyət müddəti başa çatıb və onun legitimliyi heç bir vasitə ilə bərpa oluna bilməz. Rusiya liderinin mətbuat katibi Dmitri Peskov aydınlıq gətirib ki, Putin Ukrayna ilə danışıqların mümkünlüyünü rədd etmir.

Bizim.Media