Medvedev Vaşinqton, London və Parisi HƏDƏLƏDİ: “Zərbə endiriləcək” 

“Qərb siyasi elitasından olan və mövcud olmayan ölkəyə qoşun göndərməyə çağıran məsuliyyətsiz axmaqlar xorunun sayı getdikcə artır. İndi onun tərkibinə ABŞ Konqresinin nümayəndələri, Fransa və Britaniya rəhbərliyi, Baltikyanı ölkələrdən və Polşadan olan ayrı-ayrı dəlilər daxildir. Onlar, həmçinin tərəfdarlarına təhvil verdikləri raket silahlarından bütün Rusiya ərazisində aktiv istifadəyə çağırırlar”. 

Bizim.Media xəbər verir ki, bunu Rusiya Təhlükəsizlik Şurasının sədr müavini Dmitri Medvedev öz “Telegram” kanalında yazıb. 

O bildirib ki, Qərbin Ukraynaya qoşun yeritməsi qlobal fəlakətə gətirib çıxaracaq: 

“Qərbdə hakim sinfin bir növ total deqradasiyası var. Bu sinif həqiqətən elementar şeyləri məntiqi şəkildə əlaqələndirmək istəmir. Qoşunlarını Ukrayna ərazisinə göndərmək kimi. Ukrayna həmin ölkələrin birbaşa müharibəyə girməsinə şərait yaradacaq. O zaman biz buna cavab verməli olacağıq. Təəssüf ki, Ukrayna ərazisində deyil. 
Bu halda onların heç biri nə Kapitoli təpəsində, nə Yelisey sarayında, nə də Dauninq strit-10-da gizlənə biləcək. Qlobal fəlakət gələcək”. 

Bizim.Media