Azərbaycanın 3 yerində yanğın oldu - FHN

Bakının Suraxanı rayonunda ümumi sahəsi 16 m² olan birmərtəbəli evin döşəməsi və tavanı 10 m² sahədə, içərisində 1 ədəd çarpayı yanıb. 

Fövqəladə Hallar Nazirliyindən Bizim.Media-ya verilən məlumata görə, evin qalan hissəsi yanğından mühafizə olunub. 
 

MÖVZU İLƏ BAĞLI:

Yasamal rayonundakı yanğın söndürülüb - FHN

Abşeron rayonunun Mehdiabad qəsəbəsində də fərdi yaşayış evində yanğın olub. Ümumi sahəsi 18 m² olan birmərtəbəli evin yanar konstruksiyaları yanıb.

Yaxınlıqdakı tikililər yanğından mühafizə olunub. 

Digər yanğın hadisəsi Quba rayonunun Vəlvələ kəndində baş verib. Ümumi sahəsi 800 m² olan fəaliyyət göstərməyən soyuducu anbarın sendvic paneldən ibarət üzlüyü və içərisində kabellər 240 m² sahədə yanıb. Anbarın qalan hissəsi yanğından mühafizə olunub. 

Hər üç yanğın yanğından mühafizə bölmələri tərəfindən söndürülüb.

Bizim.Media