Yusif Mustafayev onun ölüm xəbərini “TikTok”da yayan mollanı BAĞIŞLADI - VİDEO

“Haqqımda bir molla video çəkib ki, “Yusif Mustafayev, hazırlaş, sənin növbəndir, əlində də Quran”. Sonra video yayıldı ki, güya o məndən üzr istəyib. Amma həmin videoya baxanda gördüm ki, orada üzrdən söhbət getmir”. 

Bizim.Media xəbər verir ki, bu sözləri Əməkdar artist Yusif Mustayev qonaq olduğu “Elgizlə izlə” ictimai-sosial verilişində deyib. 

Sənətçi bildirib ki, bir neçə gün əvvəl onun ölüm xəbərini “TikTok” video platformasında Biləsuvar rayonundan olan bir molla yayıb. Mustafayev həmin şəxsi bağışladığını söyləyib: 

“O çoxbilmiş və “demaqoq” insandır. Əgər o quran əhlidirsə, mən onu haqqımda dediyi o sözlərə görə bağışlayıram. O da millətimizin balasıdır. Əsli Biləsuvardandır. Müşfiq qəsəbəsində yaşayır. Dedilər ki, ver onu məhkəməyə. Mən də söylədim ki, məhkəmənin ən gözəli göydə Allahdır. Özü və Allahı bilsin. Ay insan, mənim övladım, nəvəm var. Mənim ölüm xəbərimi verib niyə sevinirsən? “TikTok” çıxardanın Allah evini yıxsın, qapısını bağlasın. Mollasansa, get Quranını oxu. Sənin “TikTok”da axı nə işin var?”.