Namiq Məna: "Dedilər ki, lazımdırsa, oğluna ürəyimi, böyrəyimi verim" – VİDEO 

"Oğlum Məna burnundan nəfəs ala bilmirdi. 30 dəqiqəlik əməliyyat keçirdi. Məna xəstəxananın palatasından, xəstəxana geyimində çəkilən görüntülərini sosial şəbəkə hesabında paylaşmışdı. Bu görüntülərə də şərh yazmışdı. Ondan sonra çaxnaşmaya səbəb oldu. Amma hər şey qaydasındadır". 

Bizim.Media xəbər verir ki, bu sözləri meyxanaçı Namiq Məna qonaq olduğu "7 tamam" verilişində deyib. 

Sənətçi ifaçı oğlu Mənanın səhhətindən söz açıb. Namiq bildirib ki, burnundan əməliyyat olunan övladının vəziyyəti yaxşıdır: 

"Mən xalqımıza, oğlum üçün narahat olan insanlara böyük ehtiramımı bildirirəm. Çox sayda zənglər aldım. Biri dedi ki, lazımdırsa, ürəyimi, digər böyrəyimi verim. Onlar bilmirdilər ki, məsələ nə yerdədir. Amma heç bir problem yoxdur".