Ququş: "Azərbaycanda konsert verməyə fürsət yaranmadı" – VİDEO 

Məşhur Azərbaycan əsilli İran müğənnisi Ququş (Faiqə Atəşin) "YouTube"da sosial şəbəkə əhlinin suallarını videomüraciət formasında cavablandıb. 

Bizim.Media xəbər verir ki, sənətçi izləyicisinin "Bir İran azərbaycanlısı olaraq niyə Azərbaycan dilində albom təqdim etməmisiniz?" sualını cavablandırıb. 

"Bu çox gözəl sualdır. Mənim səsyazma studiyasında yazılmış türkcə cəmi bir mahnım var, o da “Ayrılıq”dır. Bir sıra ölkələrdə, şəhərlərdə konsert proqramları ilə çıxış etmişəm. Lakin fürsət yaranmadı ki, Azərbaycanda da konsert verim. Hər zaman arzum olub və indi də bunu arzulayıram. Söylədiyiniz bu təklif fikrimcə, çox gözəldir. Azərbaycana getməyi çox istəyirəm", - deyə Ququş vurğulayıb. 
Qeyd edək ki, Ququş 1950-ci il mayın 5-də Tehranda Sərçeşmə rayonunda dünyaya gəlib. Müğənninin valideynləri Bakıdan Tehrana köçüblər. 
 

Rəşad Əliyev, Bizim.Media