İngiltərə Şahzadə Filipə minnət borcunu ödəyəcək – Qərar verildi

Londonun mərkəzində mərhum Şahzadə Filipə abidə qoyulacaq.

Bizim.Media xarici KİV-ə istinadən xəbər verir ki, bu barədə Teleqraf qəzeti yazıb. Nəşrin yazdığına görə, abidənin Bukingem Sarayından bir qədər aralıda, Mall küçəsində qoyulması planlaşdırılır.
 

MÖVZU İLƏ BAĞLI:

Britaniya Baş naziri Şahzadə Filipin yas mərasimində iştirak etməyəcək

Məlumata görə İngiltərə parlamentariləri bu təklifi artıq dəstəkləyib. Qəzetin yazdığına görə böyük ehtimalla Baş nazir Boris Conson da abidənin quraşdırılmasına dəstək verəcək.

"Edinburq hersoqu ömrünü ölkəyə və kraliçaya xidmət etməyə həsr etdi. Abidə xidmət illərində minnətdarlıq simvolu olacaq",- İşçi Partiyadakı mənbə bildirib.

Məlumata görə abidənin quraşdırılması qismən könüllü ianələr hesabına maliyyələşdiriləcək.

Qeyd edək ki, Böyük Britaniya Kraliçası II Yelizavetanın əri Şahzadə Filip aprelin 9-da 99 yaşında vəfat edib.

Bizim.Media