Alman nazirdən İsrailə ÇAĞIRIŞ: “Ərazilərinizdəki fələstinliləri qoruyun”

“İordan çayının qərb sahilində qeyri-qanuni yəhudi məskənlərinin salınması regionda davamlı sülhün bərqərar olmasına ümidləri sarsıdır”.

Bizim.Media xəbər verir ki, bunu Almaniyanın xarici işlər naziri Annalena Berbok İsrailə səfəri zamanı yerli jurnalistlərə açıqlamasında bildirib.

"Buna görə də biz İsrail hökumətini radikal qruplaşmalar Fələstin xalqını təhdid edərkən, öz ərazilərində yaşayan fələstinliləri qorumağa öhdəlik götürməyə çağırırıq”, - deyə alman nazir qeyd edib.
O bildirib ki, Almaniya hər iki dövlətin (İsrail və Fələstin) yanında olmağa çalışır: “Biz bu gün buradayıq, çünki insanların həm Qəzza zolağında, həm də İordan çayının qərb sahilində azad, təhlükəsiz və ləyaqətlə yaşaya bilməsi həm israillilərin, həm də fələstinlilərin gələcəyi üçün iki ölkə arasında anlaşmaya nail olmaq böyük əhəmiyyət kəsb edir”.

Bizim.Media