Rasim Balayev Heydər Əliyevin səfalət içində yaşayan aktrisaya qayğısından danışdı - VİDEO

“Şöhrət, “Şərəf” və “İstiqlal” ordenli, Xalq artisti Rasim Balayev ümummilli lider Heydər Əliyevin incəsənət adamlarına olan qayğısından söz açıb. 

Bizim.Media xəbər verir ki, 75 yaşlı sənətkar bu haqda “YouTube”da yayımlanan “AStar” layihəsinə müsahibəsində danışıb. 

R.Balayev bildirib ki, illər əvvəl Heydər Əliyevə bir aktrisanın səfalət içində yaşadığı haqda məlumat verirlər. Bundan sonra Ümummilli lider həmin aktrisanı mükafatlandırıb: 

“O zamanlar zibilikdə eşələnən bir aktrisa haqda ulu öndər Heydər Əliyevə xəbər veriblər. Bundan sonra aktrisa mükafatlandırıldı, daha sonra isə ona təqaüd verildi. O bunu ona görə etdi ki, həmin aktrisa fəaliyyət göstərib, filmlərdə baş rola çəkilib. İndi yaşlaşıb, acından ölməməlidir. Allah Heydər Əliyevə rəhmət eləsin, bu məsələləri fikirləşib, indi də belə köməkliklər davam edir və bir çox insanın ehtiyacı ödənir”.