Paşinyanın partiyası parlamentdə Azərbaycanı DƏSTƏKLƏYƏCƏK

Ermənistan parlamenti sentyabrın 12-də öz işini bərpa edəcək. 

Bizim.Media xəbər verir ki, bu barədə informasiyanı "Joxovurd" qəzeti yayıb. 

Parlamentdəki mənbələrin məlumatına görə, payız sessiyası fırtınalı keçəcək, çünki bir sıra mühüm və rezonans doğuran qanun layihələri, o cümlədən "Ayakve" təşəbbüs qrupunun Qarabağla bağlı qanun layihəsi müzakirə ediləcək.

Layihədə deyilir ki, Qarabağı Azərbaycanın bir hissəsi kimi tanımaq hüququndan imtina cinayət hesab ediləcək.

Mənbələr bildiriblər ki, Paşinyanın hakim “Vətəndaş müqaviləsi” partiyası artıq qanunun əleyhinə səs verməklə bağlı yekun fikrini bildirib.

Hazırda hökumətin masasında olan Roma Statutunun ratifikasiyası məsələsinə də baxılacağı gözlənilir. Hakim partiya hələlik bununla bağlı qərar verməyib, çünki Moskva ilə münasibətləri gərginləşdirmək istəmir. Ona görə də layihə hökumətdə "ilişib qalıb".
Yeri gəlmişkən, Roma Statutu parlament tərəfindən qəbul edilsə, Putin Ermənistana gəlişi zamanı həbs edilməlidir.

Bizim.Media