“ABŞ Blinken-Lavrov görüşünə görə üzr istəməyəcək” - Prays 

“ABŞ Hindistanda G20 sammiti çərçivəsində Dövlət katibi Entoni Blinkenlə Rusiyanın XİN rəhbəri Sergey Lavrov arasında baş tutan qısa söhbətə görə üzr istəməyəcək”.

Bizim.Media xarici mediaya istinadən xəbər verir ki, bunu ABŞ Dövlət Departamentinin rəsmi nümayəndəsi Ned Prays brifinqdə deyib.  

“Bilirəm ki, rusiyalı həmkarlarımız bundan səs-küy yaratmaq istəyirlər. Lakin biz tərəfdən qeyd etmək lazımdır ki, bu, ikitərəfli görüş və yaxud uzun danışıqlar deyil, qısa təmas olub. Biz buna görə üzr istəməyəcəyik”, - deyə Prays qeyd edib. 

Rusiya tərəfinin məlumatına görə, görüşü Blinken istəyib. Rusiya XİN isə öz növbəsində Lavrov və Blinken arasında görüş olmadığını və yalnızca qısa söhbət baş tutduğunu açıqlayıb.
“Reuters”in məlumatına görə isə, söhbət təqribən 10 dəqiqə davam edib. Qeyd edək ki, bu, ötən ilin iyul ayından bu yana Lavrov və Blinken arasında ilk görüş olub.

Bizim.Media