Azərbaycanın ümumi ixracı 1,9 mlrd. dollar olub

2023-cü ilin yanvar ayında Azərbaycanın ümumi ixracı 1,9 mlrd. ABŞ dolları, qeyri-neft sektoru üzrə ixrac 284,5 mln. ABŞ dolları təşkil edib. Qeyri-neft sektoru üzrə ixrac 2022-ci ilin müvafiq dövrü ilə müqayisədə 22,6% artıb. 

Bu barədə Bizim.Media-ya İqtisadi İslahatların Təhlili və Kommunikasiya Mərkəzinin "İxrac İcmalı"na istinadən xəbər verir.

Məlumata görə, 2023-cü ilin yanvar ayı ərzində yeyinti məhsulları üzrə ixrac 64,3 mln.ABŞ dolları, qeyri-yeyinti məhsulları üzrə isə 220,2 mln. ABŞ dollarına bərabər olub. 2023-cü ilin yanvar ayı ərzində kimya sənayesi məhsullarının ixracı 11,3%, spirtli və spirtsiz içkilərin ixracı 11,1 dəfə, şəkər ixracı 2,5 dəfə, çay ixracı isə 2,3 dəfə artıb. 
Aqrar və aqrar sənaye məhsulları üzrə birgə ixracın statistik dəyəri 67,1 mln. ABŞ dolları təşkil edib.

2023-cü ilin yanvar ayı ərzində ixrac edilən meyvə-tərəvəz məhsulları aqrar məhsullar qrupunun 94%-i təşkil edib. Qeyri-neft-qaz ixracının tərkib hissəsində əhəmiyyətli yer tutan aqrar-sənaye məhsullarının yaratdığı dəyər ötən ilin müvafiq dövrü ilə müqayisədə 2,7 dəfə artıb.

Bizim.Media