Ukrayna Prezidenti Volodimir Zelenski keçmiş müdafiə naziri Mixaylo Fedorovun vəzifədən getməsinin səbəblərini açıqlayıb.
Bizim.Media xəbər verir ki, Zelenski bildirib ki, Baş Qərargah rəisi ilə Müdafiə Nazirliyi arasında əməkdaşlıq və qarşılıqlı fəaliyyət sahəsində aylarla davam edən ciddi problemlər mövcud olub.
"Bu problem günlərlə və ya həftələrlə deyil, aylarla davam edirdi. Həllini gözləyən məsələlər var və onları yalnız Müdafiə Nazirliyi ilə ordunun sıx əməkdaşlığı şəraitində həll etmək mümkündür. Təkcə bir tərəfin bunu etməsi mümkün deyil", – deyə o vurğulayıb.
Prezident qeyd edib ki, əsas çağırışlardan biri səfərbərlikdir. Onun sözlərinə görə, Ukrayna daha 500 minə qədər Rusiya hərbçisi ilə qarşılaşa bilər və buna görə səfərbərlik siyasətinə yeni yanaşma, eləcə də yeni tədbirlər tələb olunur.
Zelenski əlavə edib ki, ikinci əsas problem hava hücumundan müdafiə sistemlərinin çatışmazlığıdır.
O bildirib ki, bu məsələlərin həlli üçün Müdafiə Nazirliyi ilə ordunun tam koordinasiyası vacibdir.
"Daim bir tərəfi, sonra isə digər tərəfi dinləməyə vaxtım yoxdur. Onlar hər saat bir araya gəlib işləməlidirlər", – deyə Ukrayna prezidenti bildirib.
Bizim.Media
