“Bağçada güllər” erməni əsirliyindən geri qaytarıldı

Uzun illər işğalçı əlində qalan, indi isə Vətən adlı hüzura qovuşan  sənət nümunəsinin taleyi  də macəralı olub. Mədəniyyət Nazirliyinin əməkdaşı  Nərgiz Abdullayeva xalçanın  bizə məxsusluğunu sübut edən dəlillərin olduğunu deyir. 

“Üzərinə  Azərbaycan dilində kirill əlifbası ilə “1 yanvar 1971-ci il Sərvərə anadan əbədi yadigar ad günü hədiyyəsi” sözləri yazılıb. Buna baxmayaraq ermənilər xalçanı hər yerdə “Antik Ermənistan - Qarabağ xalçası” adı ilə təqdim ediblər. 2017-ci ilin fevral ayında ABŞ-ın Los-Anceles şəhərində keçirilən hərracda da bu ad ilə çıxarılıb. Əslən azərbaycanlı olan Amerika vətəndaşı Elşad Tahirov  bu sənət incisini Azərbaycan Milli Xalça Muzeyinə hədiyyə edib. Hazırda dünya muzeylərində saxlanılan Azərbaycan mənşəli eksponatların tədqiqi və Azərbaycana məxsusluğunun sübutu üçün materialların toplanması, atribusiyanın aparılması prosesi davam etdirilməkdədir”.