"Xankəndi” klubu gələn aydan ev oyunlarını Xankəndidə keçirəcək

Azərbaycan I Liqasında mübarizə aparan “Xankəndi” bu ildən etibarən ev oyunlarını Xankəndi şəhərində keçirəcək.

Klubun mətbuat xidmətindən Bizim.Media-ya verilən məlumata görə, hazırda Xankəndi şəhər stadionunda təmir işləri davam etdirilir. İşlərin bu ayın sonunadək başa çatdırılması planlaşdırılır.

Təmir işləri yekunlaşdıqdan sonra Xankəndi şəhər stadionunun rəsmi açılış mərasiminin keçirilməsi nəzərdə tutulur.

Klubun Xankəndidə ilk ev oyununun tarixi isə stadionun rəsmi açılış qrafikinə uyğun olaraq müəyyənləşdiriləcək.

Bizim.Media