Atletlər komissiyasının loqosu təqdim olundu

Milli Olimpiya Komitəsinin Atletlər Komissiyasının loqosu təqdim olunub.

Bizim.Media xəbər verir ki, bununla bağlı keçirilən mıərasimdə idmançılar və federasiya nümayəndələri iştirak ediblər.

Çıxış edən komissiyanın sədri, cüdoçu Rüstəm Orucov təşkilatın əhəmiyyətindən danışıb, atletlər arasında dostluq münasibətlərinin möhkəmləndirilməsi, mövcud problemlərin həlli istiqamətində görüləcək işlər barədə məlumat verib.
Sonra komissiyanın loqosu təqdim olunub. Komissiyanın üzvü, taekvondoçu Fəridə Əzizova loqonun Olimpiya halqaları ilə idman növlərinin vəhdətindən təşkil olunduğunu deyib. Bildirilib ki, loqo dostluğu, birliyi və bərabərliyi ehtiva edir.

Loqoda, həmçinin idmançıların həmrəyliyi, ümumbəşəri dəyərlərə sadiqlik və Olimpiya ruhu əksini tapıb.

Daha sonra iştirakçılara “Athlete 365” beynəlxalq platforması barədə məlumat verilib. Komissiyanın üzvü atlet Nazim Babayev platformanın üstünlüklərindən danışıb.
Sonda Olimpiya çempionu, Azərbaycan Dövlət Bədən Tərbiyəsi və İdman Akademiyasının prorektoru Fərid Mansurov uğurlu karyerası barədə məlumat verib və iştirakçıların suallarını cavablandırıb.

Rəşad Rafiqoğu, Bizim.Media