Lerik rayonunda ölümlə nəticələnən yol qəzası olub.
Hadisə Lerik rayonunun dağlıq Siyov kəndində baş verib. 1989-cu il təvəllüdlü Pərviz Tofiq oğlu Höccətov hərəkətdə olan "UAZ" markalı maşının yük hissəsindən yerə düşüb. Xəsarət alan şəxs Lənkəran rayon Mərkəzi xəstəxanasına çatdırılıb. Ona ilkin tibbi yardım göstərilsə də, aldığı kəllə-beyin travmasından dünyasını dəyişib.
Meyit müayinə olunması üçün Məhkəmə Tibbi Ekspertiza və Patoloji Anatomiya birliyinin Lənkəran rayon şöbəsinə təhvil verilib.
Faktla bağlı araşdırma aparılır.
