Mehman Əliyev “demokratiya şəhidləri”x9d ilə bağlı təklifi dəstəklədi

Bir neçə gün bundan öncə Moderator.az saytı və  “Hürriyyət”x9d qəzetinin jurnalisti Seymur Əliyev peşə və statusundan asılı olmayaraq Azərbaycanda demokratiya uğrunda mübarizədə öldürülən şəxslərin demokratiya şəhidləri kimi tanınması və onların siyahısının hazırlanması təklifi ilə çıxış edib. (//moderator.az/index.php?xeber=92988 ). Təklif müəllifinin fikrincə, belə bir addımın atılması demokratiya və insan haqları uğrunda həyatını qurban verən şəxslərə demokratik toplumun ehtiramını ifadə etməklə yanaşı, onların unudulmaması, həmin şəxslərin xatirəsinin xalqın qəlbində əbədi yaşadılması baxımından da mühüm rol oynayardı.

Maraqlıdır, Azərbaycanda demokratiya uğrunda mübarizədə öldürülən şəxslərin demokratiya şəhidləri kimi tanımaq lazımdırmı? Onların xatirəsinin əbədiləşdirilməsi üçün həmin şəxslərin vahid siyahısının hazırlanmasına ehtiyac varmı?

Moderator.az-a açıqlama verən “Turan”x9d İnformasiya Agentliyinin rəhbəri Mehman Əliyev hesab edir ki, belə bir addımın atılması faydalı olardı:

“Əlbəttə ki, demokratiya uğrunda mübarizədə həlak olanların siyahısının hazırlanmasına, bu sahədə, iş aparmağa ehtiyac var. Bu, özünü demokratiyanın bərqərar olması uğrunda mübarizəyə həsr edən, bu yolda həyatını fəda edən şəxslərin unudulmaması, onların isminin xalqın və tarixin yaddaşında qalması baxımından da məqsədəuyğun olardı”x9d.

Pərviz Əliyev