MHP lideri Dövlət Bağçalı Türkiyədəki ictimai - siyasi vəziyyətlə bağlı yazı qələmə alıb.
Strateq.az-ın bildirdiyinə görə, millət vəkili həmin yazıda AKP hakimiyyətini bərk tənqid edib, aparılan siyasət nəticəsində Türkiyənin parçalanma təhlükəsi ilə üz - üzə qaldığını bildirib. Yazıda qeyd olunur:
“Ərdoğanın tez - tez istiqamətini dəyişən təhlükəli oyunları, məkr və hiylələri həddini aşmışdır. Türkiyə Ərdoğan və PKK - nın ikitərəfli atəşi altında qalmışdır. Ya bu mühasirə yarılacaq, ya da Türkiyəmiz paramparça olacaq."
Yazısında son zamanlar artan daxili gərginliyin Türkiyəni vətəndaş müharibəsinə sürüklədiyini vurğulayan Bağçalı bunun günahını Ərdoğanla Öcalanın əməkdaşlığında görür. Onun fikrincə, bu əməkdaşlığın nəticəsində Türkiyənin bir bölgəsi artıq idarəolunmaz hala gəlmişdir:
“PKK faktiki öz hakimiyyətini qurduğu, psixoloji üstünlük təmin etdiyi bölgələri həm genişlədib, həm də dərinləşdirərkən, Ərdoğan və tərəfdarları iqtidar oyunlarıyla terrorun dəyirmanına su tökmüşlər”x9d.
Bütün bu yaşananları nəzərə alan Dövlət Bağçalı indiki halda seçkilərə getməyi olduqca təhlükəli görüb və iqtidarı bəzi bölgələrdə fövqəladə vəziyyət elan etməyə çağırıb.
