Moderator.az xəbər verir ki, Türkiyə Respublikasının Adana şəhərində keçirilən Aydınlar Ocaqlarının 40-cı Şura toplantısı başa çatıb.
Azərbaycan Aydınlar Ocağının sədri Vüqar Qədirovun rəhbərliyi ilə 5 nəfərdən
ibarət nümayəndə heyəti 40-cı qurultayda iştirak edib. Konfransda Türkiyə Böyük
Millət Məclisinin üzvləri, Adana şəhərinin bələdiyyə başqanı, 30-dan artıq Aydınlar
Ocaqları birliklərinin nümayəndələri və s. iştirak edib.
Şura toplantısının yekun qətnaməsində öz dədə-
babalarının məzarlarını ziyarət etmək üçün ermənilər tərəfındən işğal edilmiş Kəlbəcər
rayonuna gedərkən girov götürülərək öldürülmüş Həsən Həsənovun, bü günə qədər
işgəncələrə məruz qalan Dilqəm Əhmədovun və Şahbaz Quliyevin dərhal azad
olunmasını tələb edən bəyanat qəbul edilmişdir.
Bəyanatda deyilir.
“1988-ci ildən etibarən Ermənistan silahlı qüvvələrinin
Azərbaycan torpaqlarına silahlı təcavüzü nəticəsində 20%-dən artıq Azərbaycan ərazisi
işğal edilmiş, 1 milyondan artıq azərbaycanlı hələ də qaçqın və məcburi köçkün
kimi yaşamaqdadırlar. İşğal edilmiş Azərbaycan torpaqlarından erməni silahlı
qüvvələrinin dərhal çıxarılması ilə bağlı BMT-nin qəbul etdiyi 4 Qətnamə yerinə
yetirilməmiş, əksinə Ermənistanın Azərbaycan torpaqlarına işğalı bu gündə davam
etməkdədir. Aydınlar Ocakları 40-cı Şurasının nümayəndələri dünya birliyini:
BMT-ni, ATƏT-in Minsk qrupunun həmsədrlərini Ermənistanın təcavüzkar siyasətlərinə
biganə qalmamağa, ikili standartlara son qoymağı, eyni zamanda 2014-cü ilin
iyul ayında öz dədə- babalarının məzarlarını ziyarət etmək üçün ermənilər tərəfındən
işğal edilmiş Kəlbəcər rayonuna gedərkən girov götürülmüş və bü günə qədər işgəncələrə
məruz qalan Dilqəm Əhmədovun və Şahbaz Quliyevin dərhal azad olunmasını tələb
edirik”x9d.
