Əmək Müfəttişiliyi Xidməti cari ilin 6 ayında əmək qanunvericiliyi sahəsində 9200-dən artıq hüquq pozuntusunu qeydə alıb.
Bunu Moderator.az-a açqlamasında Əmək və Əhalinin sosial müdafiəsi nazirliyi yanında Əmək Müfəttişliyi Xidmətinin rəisi Fuad Əlizadə deyib.
Onun sözlərinə görə, hüquq pozuntuları ilə bağlı olaraq işəgötürənlərə qarşı 2 mln. 300 min manat həcmində cərimə tətbiq edilib:
”Bu hüquq pozuntuları əməyin təşkili ilə bağlı bir sahələri əhatə edir. Belə ki, burada həm işəgötürənlə işçi arasında əmək müqaviləsinin bağlanmaması, həm əməyin mühafizəsi, həm əməkhaqqının ödənilməməsi, təhlükəsizlik qaydalarına riayət olunmaması və digər məsələlərə aiddir”, deyə F.Əlizadə deyib.
F.Əlizadə onu da bildirdi ki, artıq 2 mln. 300 min manatlıq cərimədən 900 min manatak vəsait Müfəttişliyin hesabına ödənilib.
