“Rusiya istəyir ki, ya "Şimal-Cənub" dəhlizi işə salınsın, ya da Zəngəzur...”

Bəs görəsən, Azərbaycan və İran XİN rəhbərlərinin danışığının məhz Rusiya prezidenti V.Putinin köməkçisi İqor Levitinin Tehrana səfəri ərəfəsində baş tutması təsadüfdürmü?..

 

 

 

Mövzu ilə bağlı Moderator.az əməkdaşının suallarını cavablandıran keçmiş xarici işlər naziri Tofiq Zülfüqarov bunları dilə gətirib: 

 

“Bilirsiz, Rusiya istəyir ki, ya "Şimal-Cənub" dəhlizi işə salınsın, ya da Zəngəzur dəhlizi... Sözsüz ki, Rusiya rəsmilərinin cənub qonşumuza hər səfəri regiondakı hadisələrə təsirsiz ötüşmür... Bütün hallarda İranın davranışları  məntiqə uyğun deyil. Ruslar da onlardan soruşurlar ki, nə olub, nə istəyirsiz Azərbaycandan. İmkan verin alverimizi, ticarətimizi edək... Bəllidir ki, Rusiya Zəngəzur dəhlizinin işləməsində də maraqlıdır.  Eyni zamanda Türkiyə də bunda maraqlıdır. Və Ermənistan özü də, hətta İran da maraqlıdır. Amma rəsmi Tehranın mövqeyində iqtisadi, siyasi məntiq görsənmir axı.  Deyirlər ki, bu, bizim şimala çıxış yolumuzdur. Bəs onda Azərbaycanla münasibətləri niyə pozursuz? Rusiyaya mallarınızı haradan göndərirsiz? Ya Xəzərdən, ya da bizim ərazimizdən keçən quru yollarıyla... Bəs bunlar çıxış deyil? Ermənistan – Zəngəzur ərazisindən dağların arasından narahat bir yol var – guya bu, İranın şimala çıxış yoludur? Bu yol gedib çıxır həmin Gürcüstana... Yenə də heç bir məntiq yoxdur...”

 

Sultan Laçın