Çin Xalq Respublikasının Sədri Si Cinpin Çinin inkişafında heyranedici uğurlar qazanmış dahi bir lider təəssüratı yaradır.
Bizim.Media xəbər verir ki, bu barədə "Tesla" şirkətinin rəhbəri İlon Mask Çin Mərkəzi Televiziyasına (CCTV) verdiyi eksklüziv müsahibədə bildirib.
"O (Si Cinpin), böyük bir lider təəssüratı bağışlayır. Onun hakimiyyəti dövründə Çin inanılmaz dərəcədə çiçəklənib və mən buna şəxsən şahid olmuşam", – deyə İlon Mask vurğulayıb.
İş adamının sözlərinə görə, Çinə hər il səfər edərkən miqyaslı dəyişiklikləri – yeni binaları və qabaqcıl infrastrukturu gözlə görmək mümkündür. Küçələrdə gəzərkən sıravi Çin vətəndaşlarının rifahının nə qədər əhəmiyyətli dərəcədə yüksəldiyini asanlıqla hiss etmək olar.
"O, müstəsna bacarıqlara və heyranedici nailiyyətlərə sahibdir", – deyə "Tesla" rəhbəri əlavə edib.
Qeyd edək ki, bu bəyanat Çin Xalq Respublikasının Sədri Si Cinpinin 23-25 sentyabr tarixlərində ABŞ-yə reallaşdıracağı rəsmi dövlət səfəri fonunda səslənib. Çin XİN-in məlumatına görə, Si Cinpin ABŞ Prezidenti Donald Trampın dəvəti ilə Vaşinqtona yola düşüb.
Bizim.Media
