Rusiyalı iş adamı və ictimai xadim Viktor But ABŞ həbsxanasında olduğu dövrdə onu Hollivudun "Silah baronu" (Lord of War) filminin qəhrəmanı kimi qəbul etdiklərini bildirib.
Bizim.Media xəbər verir ki, o, bu barədə "Komsomolskaya Pravda" radiosunda yayımlanan "But və Qamovun Rus keşikçisi" proqramında danışıb.
Butun sözlərinə görə, hətta həbsxana dosyesində onun valideynləri kimi filmdəki baş qəhrəmanın valideynlərinin adları göstərilmişdi.
"Bu çox qəribə hadisə idi. Mən soruşdum ki, bu necə ola bilər? Mənə cavab verdilər ki, bu məlumatları ABŞ hökuməti təqdim edib. Əgər istəmirsinizsə, məhkəməyə müraciət edin", – deyə But bildirib.
O əlavə edib ki, buna cavab olaraq məhkəməyə müraciət etməyəcəyini deyib:
"Dedim ki, niyə məhkəməyə verim? Əgər sizdə belə məlumat varsa, elə onunla da yaşayın."
Bizim.Media
