İran Prezidenti Məsud Pezeşkian ölkə rəhbərliyinin Ali lider Müctəba Xamenei ilə ünsiyyət səviyyəsinin yüksəldiyini bəyan edib.
Bizim.Media xəbər verir ki, bu barədə "The Guardian" qəzeti məlumat yayıb.
Prezident qeyd edib ki, artıq bütün qərarlar ali liderin birbaşa göstərişlərinə uyğun olaraq qəbul edilir.
"Gözəl liderimizlə kommunikasiyanın yaxşılaşması və ona çıxış imkanlarımızın genişlənməsi sayəsində bütün addımlarımız onun təlimatlarına uyğun şəkildə təşkil olunur", – deyə Pezeşkian bildirib.
Digər tərəfdən, iyulun 18-də məlum olub ki, Məsud Pezeşkian sentyabr ayında Hindistanın paytaxtı Yeni Dehlidə keçiriləcək BRICS sammitində iştirak edəcək.
Qeyd edək ki, sayca 18-ci BRICS sammiti 2026-cı il sentyabrın 12–13-də baş tutacaq. Bu il təşkilata sədrlik edən ölkə Hindistandır. Tədbirin əsas mövzusu "Davamlılığın, innovasiyaların, əməkdaşlığın və dayanıqlı inkişafın gücləndirilməsi" olacaq.
Bizim.Media
