Rusiya Zaporojyeyə hücum edib, ölənlər var

İyunun 20-də Rusiya Ukraynanın Zaporojye vilayətinə 9 idarə olunan aviasiya bombası atıb. Hücum zamanı şəhərdə 10-dan çox güclü partlayış səsi eşidilib. 

Bizim.Media xəbər verir ki, bu barədə vilayət hərbi administrasiyasının rəhbəri İvan Fyodorov "Telegram" kanalında yazıb.

O bildirib ki, hücum nəticəsində dörd nəfər həlak olub, altı nəfər yaralanıb.

"Təəssüf ki, dörd nəfər həlak olub, altı nəfər yaralanıb. Zərərçəkənlərə bütün lazımi tibbi yardım göstərilir", - o açıqlayıb.
 

Zərbələr mülki infrastruktur obyektlərinə, yaşayış sahələrinə və yerli hidroelektrik stansiyasının (HES) yerləşdiyi rayona dəyib. Şəhərin bir neçə hissəsində güclü yanğınlar və tüstülənmə qeydə alınıb.

Qeyd olunub ki, dağıntılar altında qalanların olması ehtimalı ilə əlaqədar axtarış-xilasetmə işləri davam etdirilir.

Bizim.Media