ABŞ Prezidenti Donald Tramp koqnitiv qabiliyyətlərin yoxlanılması üçün nəzərdə tutulmuş tibbi testi uğurla keçdiyini bəyan edib.
Bizim.Media xəbər verir ki, bu barədə o, "Truth Social" sosial şəbəkəsində yazıb.
"Volter Rid adına Hərbi Tibb Mərkəzində keçirilən və mənə yenicə təqdim olunan tibbi müayinəmin nəticələri olduqca yaxşı olub. Heç biri indiyədək yüksək mürəkkəblikli təsdiqlənmiş koqnitiv testdən keçməyən digər ABŞ prezidentlərindən fərqli olaraq, mən mümkün 30 baldan maksimum 30 bal toplamışam ki, bu da «ən yaxşı intellekt» hesab olunur", – deyə Tramp bildirib.
O qeyd edib ki, bu, onun əla nəticə ilə başa vurduğu dördüncü analoji testdir. "Kimininsə maksimum bal toplaması, xüsusən də ardıcıl dörd dəfə bunu etməsi çox nadir hallarda baş verir", – deyə Amerikanın lideri əlavə edib.
Bizim.Media
