Süni intellekt ölən oğlanın klonunu yaratdı – Anasına zəng edir, mesaj yazır…

Çində bir ailə avtomobil qəzasında həlak olan oğullarının ölümünü onun anasından gizlətmək üçün süni intellekt klonu hazırlayıb.

Bizim.Media xəbər verir ki, bu barədə “South China Morning Post” yazıb.

Məlumata görə, kişi yol-nəqliyyat hadisəsində ölüb. Qohumları isə ürək problemləri olan 80 yaşlı anasına bu xəbəri deməmək qərarına gəliblər. Bunun əvəzinə onlar mərhumun foto, video və səs yazılarını toplayaraq onun rəqəmsal surətini hazırladıblar.
 

Hazırda süni intellekt klonu qadınla mütəmadi şəkildə ünsiyyət saxlayır - ona yazır, zəng edir və videoəlaqəyə çıxır. Klon guya başqa şəhərdə işlədiyini və buna görə evə gələ bilmədiyini deyir.

Bildirilir ki, rəqəmsal surət mərhumun xarici görünüşünü, səsini və hətta davranış tərzini də təqlid edir.

Ana isə heç nədən şübhələnmir. O, “oğluna” özünə yaxşı baxmağı tövsiyə edir, onu darıxdığını deyir, o isə geri dönəcəyini bildirir.

Ailə bunu yaşlı qadını qorumaq üçün etdiyini bildirib.

Bizim.Media