Tramp İranı HƏDƏLƏDİ: “Yeni zərbələrdən çəkinin, əks halda...”

ABŞ prezidenti Donald Tramp İranı yeni hücum dalğasından çəkinməyə çağırıb.

Bizim.Media xəbər verir ki, bu barədə o, Truth Social sosial şəbəkəsində yazıb.
 

“İran indicə bəyan edib ki, bu gün indiyədək olduğundan daha güclü zərbə endirəcək. Lakin bunu etməmələri daha yaxşıdır, çünki əgər bunu etsələr, biz onlara görünməmiş gücdə zərbə endirəcəyik!”, – deyə ABŞ prezidenti yazıb.

Fevralın 28-i səhər saatlarında İsrail İrana zərbə endirib. Bundan sonra ABŞ lideri Donald Tramp ABŞ-ın İrana qarşı hərbi əməliyyata başladığını açıqlayıb.

Qərbi İranda yerləşən hərbi obyektlər, ölkənin ali rəhbəri ayətullah Əli Xameneinin iqamətgahı, eləcə də Minab şəhərindəki ibtidai məktəb hədəfə alınıb.

Buna cavab olaraq İran İsrailə və regiondakı ABŞ hərbi bazalarına raket zərbələri endirib.

Bizim.Media