Moskvada müsəlmanlar üçün daha bir QADAĞA

Moskva məhkəməsi dini ayrı-seçkiliyə görə yalnız müsəlmanlar üçün nəzərdə tutulmuş mənzil kirayəsi reklamlarını qadağan edib.

Bizim.Media Rusiya mətbuatına istinadən xəbər verir ki, prokurorluq bu reklamları Telegram kanallarında aşkar edib.

Onlar reklamları dini ayrı-seçkilik sayaraq, reklamların bloklanmasını tələb ediblər. Məhkəmə tələbi təmin edib.

Əvvəllər də ev, iş elanlarında "Yalnız slavyanlar üçün" yazılırdı ki, bu Cür reklamlar da ekstremist təbliğat kimi təsnif edildiyindən ötən ildən yasaqlanmışdı.

Rusiya Federasiyası Müsəlmanları Ruhani İdarəsinin Beynəlxalq İşlər və Həcc üzrə müavini, Moskva vilayətinin müftisi Ruşan Abbasov "yalnız müsəlmanlar üçün" reklamlarının təkcə Rusiya qanunlarına deyil, həm də ənənəvi mənəvi dəyərlərin əsaslarına zidd olduğunu bildirib:

"İstər milliyyətə, istər dinə, istərsə də hər hansı digər əsasa əsaslanan hər hansı bir ayrı-seçkilik forması təkcə Rusiya qanunlarına deyil, həm də əxlaq, humanizm və ənənəvi mənəvi dəyərlərin əsaslarına ziddir. Bu, qəbuledilməzdir."

Bizim.Media