Azad edilən türk diplomatlar ailələri ilə görüşüb.
Türkiyə baş naziri Əhməd Davudoğlunun xüsusi təyyarəsi ilə Ankaraya gətirilən girovlar Esenboğa hava limanında ailələri tərəfindən Türkiyə bayraqları ilə qarşılanıb.
Diplomatları qarşılayanlar arasında baş nazirin müavini Bülent Arınç, prezidentin baş katibi Fəxri Kasırğa, Ankara böyükşəhər bələdiyyə başçısı Melih Gökçek, bəzi millət vəkilləri və digər əlaqədar şəxslər də olub.
Diplomatların ailələri görüş zamanı göz yaşlarına tutu bilməyiblər. Hava limanında bayram abu havası hiss olunub.
Qeyd edək ki, bir müddət öncə özünü İraq və Şam İslam Dövləti (İŞİD) kimi təqdim edən terror təşkilatı Mosulda 49 türk diplomatını girov götürmüşdü. (ans)
