Moderator.az xarici KİV-lərə istinadən xəbər verir ki, 4 ay əvvəl Avropa Birliyi İsrailə maliyyə yardımı verilməsinə qadağa qoymuşdu. Qadağanın səbəbi rəsmi Təl-əvivin işğal etdiyi Fələstin torpaqlarında yaşayış məskənləri inşa etməsiydi. Maraqlıdır ki, Avropa Birliyinin bu cəsarəti uzun sürmədi. Dünən İsrailin Ədliyyə Naziri Tzipi Livni ilə AB Xarici İşlər və Təhlükəsizlik Siyasəti komitəsinin təmsilçisi Ketrin Eşton arasında keçirilən görüşdə bu qadağanın artıq “dəlindiyi” xəbərləri gəldi. Verilən məlumata görə, tərəflər arasındakı razılaşmaya əsasən İsrail AB-nin araşdırma və innovasiya proqramı olan “Üfiq 2020” lahiyəsində iştirak edə biləcək və 70 milyard avroluq büdcəsi olan bu layihədən yararlanacaq.
