Gürcüstanın eks-prezidenti Mixail Saakaşvili Ukraynaya geri dönüş tarixini təxirə salıb.
Bunu Maksi TV-yə müsahibəsində Saakaşvilinin özü deyib. O, bu addımı Ukraynanın hazırkı prezidenti Pyotr Poroşenkonun prezident seçkisinin ikinci turuna keçməsi ehtimalı ilə bağlı atdığını bildirib:
“Mənim biletim Poroşenkonun ikinci tura çıxmamasına görə sifariş edilmişdi. Lakin indi o, ikinci tura çıxa bilər. Mən Poroşenkonun yerinə ikinci tura Timoşenkonun çıxmasına sevinərdim. O zaman təyyarəyə oturub, Kiyevə gələcəyəm”.
Qeyd edək ki, bir müddət öncə Saakaşvili Ukraynaya 1 aprel tarixinə bilet aldığını nümayiş etdirmişdi.
