Putin silahları Rusiya ərazisini vuran ölkələri cavab tədbirləri ilə HƏDƏLƏDİ - VİDEO

Rusiya Prezidenti Vladimir Putin Ukraynanın müdafiə sənayesi obyektinə qeyri-nüvə ballistik raketi “Oreşnik”lə zərbə endirildiyini təsdiqləyib.

Bizim.Media xəbər verir ki, Rusiya lideri bu barədə xalqa müraciətində məlumat verib.

Putin ölkə ərazisinə ATACAMS və ”Storm Shadow” raketlərinin hücumlarına cavab olaraq bu addımın atıldığını bildirib.

O, həmçinin bəyan edib ki, Moskva özünü silahları Rusiya ərazisinə vuran ölkələrin hədəflərinə zərbə endirmək hüququna malik hesab edir:

"Rusiya dinc vasitələrə üstünlük verir, eyni zamanda hadisələrin istənilən inkişafına hazırdır, Cavab tədbirləri hər zaman olacaq”.

Qeyd edək ki, ötən gündən etibarən Ukrayna Silahlı Qüvvələri ilk dəfə olaraq Britaniyanın “Storm Shadow” raketlərini Rusiyanın dərinliklərinə buraxıb. Daha əvvəl ABŞ-nin hazırkı prezidenti Co Baydenin administrasiyası Rusiyaya zərbələr endirmək üçün uzaqmənzilli “Storm Shadow” raketlərindən istifadəni təsdiqləyib.



Bizim.Media