Cəlilabad rayonunun Közbulaq kəndində yaşayış evində yanğın baş verib.
Bizim.Media-nın yerli bürosu xəbər verir ki, hadisə kənd sakini Yaqub Yaqubova məxsus evdə qeydə alınıb.
Yanğın nəticəsində ümumi sahəsi 104 kvadratmetr olan tikili tamamilə yanaraq yararsız vəziyyətə düşüb. Kənd sakinlərinin və hadisə yerinə cəlb olunan qüvvələrin müdaxiləsi ilə alovun ətraf ərazilərə və digər tikililərə keçməsinin qarşısı alınıb.
İlkin məlumata görə, yanğın zamanı xəsarət alan olmayıb.
Yanğının başvermə səbəbləri araşdırılır.
Sabutay, Bizim.Media, Cənub bürosu
